شارع المعز لدين الله الفاطميى
شارع المعز _ القاهرة
شارع المعز اتعرف كمان باسم شارع الأعظم و شارع القاهره و شارع القصبه جوهر الصقلى بنى على جانبه الشرقى قصر للخليفه المعز اتعرف باسم القصر الشرقى الكبير و ده لان ابنه العزيز بالله بنى امامه قصر صغير اتعرف باسم القصر الغربى الصغير بعد ما صلاح الدين الأيوبى قضى على الدوله الفاطميه فى مصر راح هو و اهله و امرا دولته سكنوا فى القصر الكبير وبقي القصر ده مقر لحكم الايوبيين حتي بنايه قلعة الجبل فوق جبل المقطم و سكن فيها الملك الكامل ابن اخو صلاح الدين و شويه شويه القصر الكبير اهمل لعاية ما اتهد و اتبنت فى المنطقه احياء و شوارع و مدارس و بيوت لم يكن شارع المعز شارع القاهره الرئيسى فقط لكن امتداداته من ناحية باب زويله كان بيوصل للفسطاط و من ناحيه باب الفتوح لـ حى الحسينيه و الظاهر.
شارع المعز أكتر شارع فى القاهره و مصر مليان تحف اثريه من العصور الوسطى و من العصر المملوكى بالذات. الشارع بيمتد من باب الفتوح لغاية باب زويله و المساحه دى بتضم شوارع باب الفتوح و أمير الجيوش و النحاسين و بين القصرين و الصاغه و الاشرفيه و العقادين و المناخليه و المنجدين و السكريه.
الاثار اللى ذكرها المقريزى فى الشارع هى : جامع الحاكم بأمر الله وكالة قايتباى بيت السحيمى جامع سليمان وأغا السلحدار و جامع الأقمر و سبيل عبد الرحمن كتخدا و قصر الأمير بشتاك و جامع السلطان قلاوون و مدرسة الظاهر برقوق تربة الصالح أيوب المدرسه الصالحيه و المدرسه الكامليه و مدرسة الناصر محمد بن قلاوون و جامع الأشرف برسباى و مدرسة و سبيل السلطان الغورى و حمام المؤيدو جامع المؤيد و غيرها.
شارع المعز اهم مناطق القاهره الاسلاميه اللى ضمن مواقع التراث العالمى التابعه لمنظمة اليونيسكو من سنة 1979
تعليقات
إرسال تعليق